Drejtori i gjimnazit ”Gjon Buzuku” Jeronim Susuri, në një njoftim në faqen e tij në “facebook”, ka treguar se së shpejti do të fillojnë punimet në realizimin e kabinetit të Fizikës dhe Astronomisë në gjimnazin Gjon Buzuku, projekt ky që do të realizohet nga Fondi Bullgar për Zhvillim dhe fondi vetanak i shkollës me vlerë totale 15 053.97 euro., raporton TV Prizreni
Ky është njoftimi i plotë:
Sot nga Ambasada Bullgare na njoftuan që projekti i Shkollës sonë me titull: Krijimi i Kabinetit të Fizikës dhe Astronomisë është përzgjedhur si njëri ndër projektet që do të realizohet nga Fondi Bullgar për Zhvillim dhe fondi vetanak i shkollës me vlerë totale 15 053.97 euro.
Realizimi i projektit do të fillojë nga Dhjetori 2020 dhe përfundimi parashihet në gjysmën e parë të vitit 2021.
E falenderojmë Ambasada Bullgare për mbështetje, arkitekten Nisa Bujari si dhe mësimdhënësin e shkollës sonë Driton Mallaku për përpilimin e këtij projekti!