Është gjetur sot rreth orës 16:00, vajza që është raportuar pesë ditë më herët si e zhdukur.
Policia e Kosovës ka bërë të ditur se vajza është gjetur sot dhe është në gjendje të mirë shëndetësore. Ajo është raportuar si e zhdukur në Obiliq.
“E njëjta aktualisht ndodhet në stacion policor deri në kompletimin procedural të rastit”, ka bërë të ditur për Indeksonline, Zyrtarja për Informim e Policisë së Kosovës për Rajonin e Prishtinës, Flora Ahmeti.
Ajo ka thënë se me datën 04 nëntor 2020, jemi njoftuar nga prindi, se vajza e tij ka humbur kontaktin me familjen dhe nuk dihet vendndodhja e saj.
“Në stacionin policor në Obiliq është hapur rasti person i zhdukur. Njësitet përkatëse policore në koordinim me prokurorinë po vazhdojnë veprimet hetimore lidhur me rastin ”,ka thënë Ahmeti.