Policia e Kosovës ka njoftuar se më 27 mars 2024, në Stacionin Policor të Prizrenit , është raportuar se një person nga Ferizaj me inicialet A.M, i cili bashkë me bashkëshorten e tij ishte në pushime në fshatin turistik në Prevallë të Prizrenit, kishte dalë për shëtitje në natyrë dhe nuk është kthyer më.
Personi i zhdukur është raportuar nga bashkëshortja e tij, e cila ka treguar se bashkëshorti i saj është larguar nga vendbanimi rreth orës 18:30 dhe nuk dihet se ku është.
Pas raportimit në polici, janë dërguar zyrtarët policor për të hetuar rastin dhe për të kërkuar viktimën.
Kërkimit më vonë i është bashkuar edhe njësia e Zjarrëfikësve nga Prizreni si dhe familjarët e të zhdukurit.
Të njëjtën ditë, rreth orës 23:09, personi i zhdukur është gjetur.
Viktima kishte rënë në një humnerë rreth 5 metra poshtë rrugës, viktima më pas është nxjerrë nga njësitet policore dhe me emergjencë është dërguar në Spitalin Rajonal në Prizren pasi kishte lëndime sipërfaqësore për të cilat është trajtuar
