Një polic i Kosovës nga komuniteti serb është gjetur i vdekur në banesën e tij në veri të Mitrovicës, të shtunën.
Rastin për KOHËN e ka konfirmuar zëvendësdrejtori i Policisë për Rajonin e Mitrovicës – Veri, Besim Hoti, i cili ka thënë se vdekja e tij është natyrale.
“Është vdekje natyrale, është gjetur i vdekur në banesën e tij. Nuk ka shenja të dhunës në trup”, ka thënë Hoti duke mos dhënë detaje të tjera.
Mësohet jozyrtarisht se i ndjeri është i moshës rreth 45 vjeç.
