Gjatë javës së ardhshme në Kosovë pritet të mbajë mot relativisht i qetë. Instituti Hidrometeorologjik i Kosovës ka thënë se mëngjeset pritet të jenë me ngrica të lehta. Kjo gjendje pritet të jetë nga e hëna deri të mërkurën. Të enjten parashihen vende-vende reshje shiu, ndërsa në ditët pasuese pritet të ketë rritje graduale të temperaturave.
Të hënën moti do të jetë kryesisht i vranët e me intervale me diell. Temperaturat minimale do të sillen mes minus 4 dhe minus 2 gradë celsius, e maksimalet 1-4 gradë celsius.
