Festimet në natën e ndërrimit të moteve, shpesh janë shndërruar edhe në tragjedi, si pasojë e përdorimit edhe të armëve të zjarrit. Në disa raste festimet e ndërrimit të vitit eskaluan paksa, duke u përdorë edhe armët e zjarrit. Në këto raste rreziku është goxha i madh, nga këto gjuajtje.
Qarkullimi i plumbave “qorr”, mund të rrezikojë qytetarët edhe në shtëpitë e tyre.
E një nga plumbat që janë shkrehur nga armët e zjarrit, ka depërtuar edhe në brendi të shtëpisë së një familjeje në lagjen “ Tophane”, që është në afërsi të qendrës së Prishtinës, thonë të shqetësuar familjarët të cilët na kanë dërguar edhe fotografitë që po shikoni.
Familjarët thonë se janë ndier shumë të shqetësuar nga rreziku që iu ishte kanosur nga ky plumb “qorr”, dhe se rastin e kanë raportuar në Policinë e Kosovës.
Në jo pak raste si pasojë e plumbave “qorr”, shumë njerëz kanë përfunduar të lënduar, ndërsa për fat të keq, ka patur edhe viktima.
