Gërxhaliu: Diaspora kontribuon në Kosovë aq sa është buxheti i Kosovës, prandaj t’i “përkulemi”

Eksperti i ekonomisë, Safet Gërxhaliu, në emisionin “Click” të RTV 21 tha se diaspora kontribuon më shumë se 900 milionë euro brenda vitit, duke theksuar se “aq sa është buxheti i miratuar në Parlamentin e Kosovës, aq është edhe kontributi i diasporës”, përcjell albinfo.ch.

Sipas tij, diaspora kontribuon në tri forma në Kosovë. “E para është ajo që kalon në transaksione bankare, e dyta që është dyfishi i saj është qëndrimi i diasporës në Kosovë dhe forma e tretë është forma perifere, që dërgohen të holla përmes të tjerëve”, tha Gërxhaliu, duke theksuar se diaspora meriton t’i përkulemi. “Në qoftë se dikush e meriton një shesh të krenarisë në qendër të Prishtinës, defenitivisht dua ta shoh sheshin e diasporës”, u shpreh ai.