Zëvendës kryeministrja dhe ministrja e Punëve të Jashtme, Donika Gërvalla, është përgjigjur sërish lidhur me ambasadorin e Kosovës në Kroaci, Martin Berishaj, i cili dyshohet se u implikua në një skandal të madh financiar për të cilin raportuan mediat në Slloveni dhe Kroaci.
“Vazhdoj të kërkoj informacione zyrtare nga disa shtete mbi këto dyshime, ndërsa konfirmoi edhe një herë se shkarkimi i ambasadorit nuk është duke u konsideruar”, tha Gërvalla.
Zv.kryeministrja më tej theksoi se ambasadori nuk shkarkohet për shkak të spekulimeve të fjalëve. Ambasadori sipas saj shkarkohet në momentin kur ka arsye faktike se pse ambasadori duhet të shkarkohet.
