Ministrja e Punëve të Jashtme dhe Diasporës, Donika Gërvalla, ka thënë se emërimi i ambasadorëve të rinj në 12 shtetet ku Kosova momentalisht nuk ka ambasadorë është në fazën e fundit.
“Procesi i emërimeve të ambasadorëve është në procesin e fundit, ku shtetet do të konfirmojnë ambasadorët e rinj dhe të gjithë pastaj do të kenë mundësi të njoftohen me ambasadorët e rinj të Kosovës në ato shtete”.
“Procesi i emërimit të ambasadorëve të rinj është krejtësisht normal. Po të shikoni në Kosovë largimin e ambasadorëve nga Kosova nuk ndodh që kurrë ambasadori t’ia dorëzojë ambasadorit çelësin por me kohë besoj që të gjithë do të bëjnë punën e tyre më së miri”, tha Gërvalla.
