Ministrat e Kanadasë, Francës, Gjermanisë, Italisë, Mbretërisë së Bashkuar, Japonisë, SHBA-së dhe Përfaqësuesi i Lartë i BE-së, Josep Borell, kanë mbajtur sot një takim në Berlin ku kanë drejtuar thirrje ndaj Kosovës dhe Serbisë lidhur me procesin e dialogut.
G7 kërkojnë që të dyja shtetet të angazhohen me konstruktiviteti në procesin e dialogut të ndërmjetësuar nga Bashkimi Evropian.
“Ato duhet të t’i zbatojmë plotësisht të gjitha marrëveshjet e arritura më parë pa ndonjë vonesë dhe që t’i normalizojnë raportet e tyre përmes një marrëveshje ligjërisht të obligueshme, që do të mundësonte realizimin e perspektivës respektive evropiane, do të kontribuonte në stabilitetin rajonal dhe do t’i sillte të mira rajonit”, thuhet në njoftimin e përbashkët.
“Në mbështesim përparimin përmes bashkëpunimit rajonal gjithëpërfshirës dhe tranzicionin energjetik, veçanërisht përmes Tregut të Përbashkët Rajonal dhe Agjendës së Gjelbër për Ballkanin Perëndimor sipas kornizës së Procesit të Berlinit”.
G7 po ashtu ka vlerësuar faktin se Kosova është rreshtuar me perëndimin sa i përket sanksioneve kundër Rusisë, është vlerësuar edhe përafrimi i Bosnjes, derisa kanë kërkuar që edhe Serbia ta bëj të njëjtën.
/GazetaSinjali/