Forca e Sigurisë së Kosovës (FSK) ka bërë të ditur se ekipi i saj i kërkim-shpëtimit ka gjetur trupin e pajetë të një shtetasi të huaj në Liqenin e Batllavës.
Sipas njoftimit të FSK-së, angazhimi i ekipit është bërë pas pranimit të informacionit se një person është zhdukur në ujë.
“Pas marrjes së informacionit nga Qendra e Situatave të Republikës së Kosovës, FSK ka angazhuar menjëherë Ekipin e Kërkim-Shpëtimit në operacionin në Liqenin e Batllavës, ku ekipi, pas intervenimit në orët e vona, ka arritur ta gjejë trupin e pajetë të A.A., shtetas i huaj” – thuhet në njoftim.
