Nga data 3 nëntor deri më datë 14, Forca e Sigurisë së Kosovës do të realizojë ushtrimin fushor “Ujku i Çeliktë” ku do të marrin pjesë njësi të FSK-së.
Gjatë kësaj periudhe do të ketë lëvizje të konvojeve nga vendbazimet e Forcës së Sigurisë së Kosovës në drejtim të rajonit të Gjakovës, saktësisht Aeroportit të Gjakovës dhe Poligonit ushtarak në Babaj të Bokës.
E gjithë kjo lëvizje do të bëhet me qëllim të realizimit të ushtrimit fushor “Ujku i Çeliktë” , andaj nga ana e FSK-së kërkohet mirëkuptim nga qytetarët e Kosovës gjatë kësaj periudhe të realizimit të ushtrimit.
