Kolona dhe pritje të gjata janë raportuar edhe mëngjesin e sotëm nga pikë kalimet kufitare në Kosovë nga Qendra Kombëtare për Menaxhim Kufitar.
Sipas njoftimit të fundit (ora 08;19) nga QKMK-ja, Merdarja mbetet pika me fluksin më të rënduar, ku koha e pritjes për të dalë nga Kosova shkon nga 3 deri në 4 orë, ndërsa kolona e automjeteve arrin në 3 kilometra.
Ndërkaq, edhe te pika kufitare Dheu i Bardhë, pritjet për të dalë janë deri në 2 orë dhe kolona e automjeteve arrin 800 metra.
Ndërsa, në pikën kufitare në Mutivodë, pritjet zgjasin deri në 2 orë dhe kolona arrin 400 metra.
Në pikat e tjera si Jarinje, Bërnjak, Hani i Elezit, Qafë e Morinës dhe Vermicë, lëvizjet janë thuajse normale, me pritje që variojnë nga 3 deri në 10 minuta, pa kolona të gjata.
Autoritetet u bëjnë thirrje qytetarëve të planifikojnë udhëtimet e tyre duke pasur parasysh këto vonesa. Informacionet për gjendjen në pikat kufitare mund ti gjeni KËTU.
