Zëdhënësi i DRP në Prizren, Shaban Osmanollaj, njofton se , sot, pas një trajnimi profesional, njësiti i biçiklistëve nga stacioni policor në Prizren-Veri , ka filluar punën në terren, duke kryer aktivitete patrulluese në rrugë dhe lagje të Prizrenit.
Njësiti i biçiklistëve është njesi e specializuar për të kryer detyra të trafikut, duke kontrolluar automjetet pjesëmarrëse në komunikacion dhe merret me kundërvajtjet si: parkingjet ilegale, ndalimin e drejtuesve të automjeteve pa patent shofer dhe kundërvajtjet tjera në komunikacion.
Ky njësit është shume profesional dhe shume i dobishëm për organizatën policore, pasi është efikas dhe ekonomik, duke ju përgjigjur thirrjeve të qytetarëve në kohë të shpejtë dhe reale.
Duke pas parasysh ngarkesën në komunikacion rrugor dhe rrugët e ngushta, ky njësit e ka mundësinë e reagimit më të shpejtë dhe profesional, ka njoftuar zëdhënësi i DRP-së, Shaban Osmanollaj.