Fieraku 25 vjeçar, Mateo Qarri, ka nënshkruar kontratë një vjeçare me skuadrën e Lirisë, ka njoftuar faqja zyrtare e klubit prizrenas. Mbrojtësi, Qarri, së fundi ka qenë pjesë e KF “ Bylis” nga Ballshi, pjesë e katëgorisë së parë të futbollit shqiptar.
“Jemi të lumtur të njoftojmë se Mateo Qarri do t’i bashkohet ekipit tonë për sezonin 2024/25! Mateo, një qendërmbrojtës i talentuar, vjen në Kosovë nga ekipi KF Bylisi, duke sjellë me vete aftësi të shkëlqyera mbrojtëse.
Shumicën e karrierës së tij Qarri e ka kaluar te klubi historik i Shqipërisë, KF Flamurtari nga Vlora, prej ku edhe ka dalë si lojtar, duke treguar vazhdimisht profesionalizëm dhe përkushtim të jashtëzakonshëm në fushë. Ai është gati të japë gjithçka për klubin tonë dhe të ndihmojë ekipin në sezonin e ardhshëm.
Mirësevjen, Mateo!”, thuhet në këtë njoftim të skuadrës nga Prizreni e cila fillon përgatitjet për sezonin futbollistik ditën e hënë.
