Nuk ka dhënë fitues ndeshja miqësore në mes të Zvicrës dhe Kosovës, e zhvilluar të martën mbrëma në “Letzigrund” në Zuerich.
Ndeshja e hapur dhe me shumë raste përfundoi 1:1.
Milot Rashica shënoi për epërsinë e Kosovës në minutën e 52-të. Ndërsa rezultatin në 1:1 e barazoi Jordan Lotomba. Ai realizoi në portë të zbrazët, pas asistimit të Kevin Mbabu.
Te Zvicra startuan Granit Xhaka e Xherdan Shaqiri. Xhaka pas zëvendësimit doli nga fusha i nervozuar. Ndërkohë Shaqiri lëshoi fushën mes duartrokitjeve të shikuesve. Në fund u aktivizua Andi Zeqiri, që u fishkëllye nga tifozët e Kosovës, që ishin shumicë në stadium.
Kosova ka qenë e barabartë me Zvicrën dhe ka krijuar raste të shumta. Por ka realizuar vetëm me Rashicën.
Ndeshjet e ardhshme të Kosovës janë në qershor, në kuadër të Ligës së Kombeve të UEFA-s.
Klikoni KËTU për tu bërë pjesë e kanalit të TV Prizreni në Youtube.
