Misioni i Bashkimit Evropian për Sundim të Ligjit në Kosovë (EULEX) e ka shtuar numrin e patrullimeve në veri të Kosovës.
Ky mision për klankosova.tv ka konfirmuar se një njësit i përbërë prej 105 policëve është i stacionuar në Mitrovicë.
- Reklama -
“Njësia e Formuar Policore e EULEX-it (NFP), e përbërë nga 105 policë, është e stacionuar në Mitrovicë”.
“FPU-ja po kryen patrullime ditore të lëvizshme të zbulimit në veri të Kosovës. Misioni ka shtuar së fundmi patrullat e tij të zbulimit për të rritur ndërgjegjësimin për situatën”.
Kujtojmë se Qeveria e Kosovës ka bërë të ditur se nga data 1 nëntor e këtij viti do të fillojë me zbatimin e ligjit për zëvendësimin e targave ilegale në ato legale të Republikës së Kosovës.
- Reklama -