Erërat e forta shkaktojnë ndërprerje të rrymës në komunën e Prizrenit, Hidrorgjioni Jugor njofton dhe për ndërprerje të ujit

KRU Hidroregjioni Jugor ka njoftuar se si pasojë e erërave të forta në vend, është ndërprerë furnizimi me energji elektrike në stacionet e pompave “Shpati”, “Vermicë” dhe “Kojush 2”.

Rrjedhimisht në njoftim bëhet e ditur që mungesa e energjisë elektrike do të ndikoi dhe në ndërprerjen e furnizimit me ujë të pijes në disa pjesë të komunës së Prizrenit.

Zonat e prekura janë lagja “Kurilla”, “Janina”, “Dardania”, rruga “Ukë Bytyqi”, fshati Zhur, Vërmicë, Dobrushtë, Shkozë dhe Planej.