Rektori i Universitetit “Ukshin Hoti” në Prizren, Prof. Dr. Mentor Alishani, priti në takim ekspertin, Carl Canlas, nga “Utah Valley University” në Shtetet e Bashkuara të Amerikës, në kuadër të programit “Fulbright Specialist”.
Siç bëhet e ditur në njoftim, gjatë takimit u diskutua mbi aktivitetet dhe dinamikën e realizimit të projektit, me theks të veçantë zhvillimin e një rregulloreje institucionale për përdorimin etik të inteligjencës artificiale në arsimin e lartë, si dhe organizimin e trajnimeve për stafin akademik, administrativ dhe studentët.
