Kosova kohët e fundit po përballet me numër të madh të emigrantëve. Vetëm gjatë këtij viti në vendin tonë kanë ardhur 2600 shtetas të huaj. Derisa mbi 50 për qind prej tyre vijnë nga Siria.Shqetësuese po e sheh këtë çështje eksperti i sigurisë Drizan Shala, i cili për Gazeta Blic thotë se ardhja e emigrantëve në Kosovë e cenon në mënyrë të drejtpërdrejtë sigurinë e vendit.
“Unë mendoj që ardhja e këtyre emigrantëve në territorin e Kosovës, duke shfrytëzuar rrugën e Ballkanit në të cilën bën pjesë edhe Kosova, e cenon në mënyrë të drejtpërdrejtë sigurinë e vendit për arsye se ne nuk kemi informacione se kush janë këta emigrantë dhe çfarë prapavijë kanë ata dhe se”, thotë Shala.
Sa i përket emigrantëve nga Siria, ai ka shtuar se nëse këta të fundit nuk kthehen në vendin e tyre dhe nëse shteti i Kosovës nuk ka mundësi t’i kontrollojë kjo përbën rrezik sepse mund të jenë pjesëtar të ndonjë formacioni terroristë.“Bazuar në atë që kemi një numër afro 200 emigrantë të cilët dita e ditës janë duke u hyrë në territorin e Kosovës.
Qëndrimi i tyre në Kosovë, marrja e statusit të azilit në Kosovë në një afat të ardhshëm nëse ata nuk kthehen në shtetin e tyre dhe nëse shteti i Kosovës nuk ka mundësi me i kontrolluar këta mund ta cenojnë sigurinë vendit, sepse mund të jenë pjesëtar të ndonjë formacioni terroristë, sepse mos të harrojmë një gjë këta emigrant janë potencialisht kandidat të mundshëm për të kryer ndonjë sulm terrorist dhe se këta nuk kanë lidhje as gjenetike e as kombëtare me shtetin e Kosovës”, deklaron ai.