Një ekip ekspertësh nga OBSH-ja, i cili po studion vendin ku shpërtheu Covid-19 në Wuhan, kanë një qasje të paqartë akoma sesi nisi kjo gjë.Sipas media të huaja, ekipi i ekspertëve po heton sesi nisi e gjithë kjo pandemi, e cila ka marrë jetën e më shumë se dy milionë njerëz që nga fillimi i saj deri tani në gjithë botën.
Sipas “Mirror” ekipi i ekspertëve kishte leje që të fliste me qytetarët dhe se nuk kishin ndonjë pengesë nga autoritetet kineze që ta vazhdonin këtë gjë për të gjetur prova në lidhje me origjinën e virusit.
Zoologu britanik Peter Daszak i tha CNN se ato po gjejnë prova dhe se do i grumbullojnë bashkë që të arrijnë në përfundime më të qarta dhe të sakta.
Në lidhje me vendin ku shpërtheu ky virus ekipi është pyetur edhe në lidhje nëse është e vërtetë që virusi shpërtheu nga një laborator aty, ato kanë thënë që: “Nuk ka asnjë provë për këtë – por është diçka për të cilën kemi biseduar me njerëzit në laboratorin e Wuhan”.Shpresohet se hetimi që po bëjnë ekipi i ekspertëve nga OBSH-ja do hedhë dritë mbi origjinën e këtij virusi dhe sesi nisi apo nga çfarë u shkaktua që po shkatërron botën gjatë 12 muajve të fundit.
“Ne jemi akoma duke bashkuar prova, kështu që ne po shikojmë provat e kafshëve, çfarë është shitur në treg dhe nga erdhi, cilat lloje kafshësh janë ato”.Ekipi i ekspertëve ka përfunduar hetimet në Wuhan dhe tani po analizojnë të dhënat e grumbulluara që të japin dhe më pas një përmbledhje mbi përfundimet e tyre në një konferencë para se të largohen nga aty./Faxweb/