Ambasadori amerikan në Kosovë, Jeff Hovenier ka thënë e SHBA-ja e dënon plagosjen e dy djemve serbë në Gotovushë afër Shtërpcës dhe shtoi se është mirë që autoritetet reaguan shpejt dhe arrestuan të dyshuarin për sulmin.
Hovenier e ka bërë këtë deklaratë të shtunën në mëngjes teksa po merr pjesë në liturgjinë e Krishtlindjeve në manastirin e Graçanicës, derisa me këtë rast uroi të gjithë serbët për Krishtlindje dhe theksoi se ishte nder për të që peshkopi Tedosje e ftoi të marrë pjesë në shërbim.
“Ishte nder për mua që peshkopi Teodosije më ftoi të marr pjesë në shërbesën e mëngjesit për Krishtlindje dhe është traditë shekullore të përjetosh diçka të tillë. Do të doja të shfrytëzoj këtë rast për t’iu përgjigjur shkurt asaj që ndodhi dje në Shtërpc, natyrisht në emër të Shteteve të Bashkuara të Amerikës të përmendim se sa të tronditur jemi të gjithë nga ajo që ndodhi me dy të rinjtë që u qëlluan dhe sigurisht e dënojmë atë akt. Gjithashtu jemi mirënjohës që autoritetet vepruan shpejt dhe arrestuan të dyshuarin”, ka thënë Hovenier.
