Edhe një deputet i PDK-së infektohet me coronavirus

Deputeti i Partisë Demokratike të Kosovës (PDK), Bajrush Xhemaili ka bërë të ditur se ka rezultuar pozitiv për COVID-19.

Në një postim në Facebook, Xhemaili ka thënë se për 14 ditët në vijim do të qëndrojë në vetëizolim.

“Pas shfaqjes së disa simptomave, ditëve të fundit, dje vendosa që të testohem për Covid19. Sot në mëngjes mora lajmin se kam rezultuar pozitiv. Nga sot, do të jam në vetizolim per 14 ditët e ardhshme, ashtu siç kërkohet nga IKSHPK. Përndryshe, unë ndjehem mirë dhe kryesisht po e kaloj pa probleme të mëdha”, ka shkruar ai.

Kujtojmë, pozitiv për koronavirus gjatë ditë së djeshme ka rezultuar edhe shefi i grupit parlamentar të kësaj partie, Bedri Hamza.