OJQ “ EC ma ndryshe”, përmes një njoftimi në faqen e saj zyrtare, bën të ditur se gjatë ditës së sotme në katër lokacione të ndryshme në qytetin e Prizrenit, ka realizuar aksion për mbjelljen e drunjve dekorativ.
“Aksioni i mbjelljes së druve dekorativë ka vazhduar në 4 hapësira publike në Prizren, saktësisht në lagjen Lakuriq pëgjatë rrugëve “Hadi Kantraxhiu” dhe “Petrit Bytyqi”, përgjatë rrugës “Rifat Dina” në Lagjen Bazhdarhane dhe në Sheshin Komandant Drini.
Ky aktivitet ndër të tjera ka për qëllim që këto drunj të shërbejnë edhe si pengesa që parandalojnë uzurpimin e hapësirave publike nga automjetet e parkuara.
Përderisa qytetet vazhdimisht po bëhen më të dendura dhe shqetësimi për ndikimin e ndryshimeve klimatike rritet, një përqendrim më i madh duhet të vendoset tek ndërtimi i hapësirave të gjelbra si dhe potenciali i tyre për qëndrueshmëri brenda vendbanimeve tona.”, thuhet në fund të këtij njoftimi.
