Përmes një postimi në facebook, “Ec ma ndryshe” ka publikuar Raportin mjedisor për Komunën e Gjakovës, të dhëna këto të cilat tregojnë cilësinë e ajrit, të ujërave, tokës dhe biodiversitetit.
“Raporti mjedisor për Komunën e Gjakovës, synon të dokumentojë gjendjen e mjedisit përmes të dhënave mbi cilësinë e ajrit, ujërave, tokës dhe biodiversitetit në këtë komunë. Ky raport përmbledh të dhëna të rëndësishme nga raportet mjedisore të hartuara nga institucionet shtetërore dhe organizatat ndërkombëtare në Kosovë, udhëzuesit e BE-së, kornizës ligjore të Kosovës dhe raporteve evropiane mbi faktorët kryesorë të mjedisit.
