Të shtunën parashikohet mot me vranësira dhe intervale me diell, ku mund të ketë ndonjë reshje të dobët shiu në pjesën e parë të ditës. Gjatë orëve të pasditës dhe mbrëmjes, pritet që vranësirat të marrin karakter zhvillimi, duke sjellë rrebeshe lokale shiu, të shoqëruara me disa shkarkesa rrufesh.
Era do të fryjë nga veriu dhe verilindja, e cila herë pas here pritet të jetë e fuqishme, me shpejtësi prej 15-45 km/h.
Temperaturat do të shënojnë ngritje, me minimale që do të lëvizin prej 3 deri në 6°C, ndërsa ato maksimale prej 14 deri në 16°C.
