Një ngjarje e rëndë ka ndodhur sot pasdite në qytetin e Prizrenit, ku një foshnjë e porsalindur është gjetur pa shenja jete rreth orës 16:00, në afërsi të Parkut të Qytetit.
Rastin për TV Prizrenin, e ka konfirmuar zëdhënësi i Policisë për Rajonin e Prizrenit, Rreshter Vesel Gashi.
“Policia në Prizren ka pranuar një informatë se në afërsi të Parkut të Qytetit, nga një dëshmitar okular, gjendet një trup i pajetë që bëhet fjalë për një foshnje e parsalindur. Reagimi policor ka qenë i menjëhershëm, njësitë relevante kanë dalë në vendin e ngjarjes. Është njoftuar Prokurori i Shtetit dhe me urdhër të tij trupi i pajetë është dërguar në IML për obduksion. Po ashtu në vendin e ngjarjes ka dalë edhe ekipi i Emergjencës ku mjeku ka konstatuar vdekjen e foshnjës. Me këtë rast po merrren hetimet rajonale dhe po trajtohet si ‘Vrasje e foshnjës së porsalindur’, në konsultim me Prokurorin e Shtetit kështu do të fillojnë hetimet dhe po trajtohet si rast i kësaj natyre”, ka thënë Gashi.