Një person ka mbetur i vdekur në mëngjesin e sotëm në fshatin Banjë të Malishevës mëngjesin e sotëm.
Në drejtim të tij dyshohet të jetë gjuajtur me armë zjarri, e deri më tani për këtë ngjarje një person është dorëzuar në Policinë e Kosovës.
Sipas zëdhënësit të PK-së për rajonin e Gjakovës, Sheremet Elezaj personi në fjalë është dorëzuar në Stacionin Policor në Malishevë dhe nga hetimet e para dyshohet se i njëjti ka qëlluar viktimën me armë zjarri.
Elezaj ka thënë për KALLXO.com se ende nuk dihen motivet që kanë sjellë deri në vdekjen e viktimës.
Tutje ai ka thënë se ekipi mjekësor, i cili ka dalë në vendin e ngjarjes ka konstatuar vdekjen.
Zëdhënësi ka thënë se njësitet e nevojshme policore dhe prokurori i shtetit kanë dalë në vendin e ngjarjes dhe janë duke u ndërmarr veprimet e nevojshme hetimore.
