Dyshime për keqpërdorim të detyrës zyrtare dhe falsifikim të dokumenteve, Prokuroria jep detaje për aksionin në ARBK

“Gjatë këtij aksioni janë kryer bastisje në Agjencinë për Regjistrimin e Bizneseve (ARBK), institucion që funksionon në kuadër të Ministrisë së Industrisë, Ndërmarrësisë dhe Tregtisë, për shkak të dyshimeve për kryerjen e veprave penale ‘Keqpërdorimi i pozitës apo autoritetit zyrtar’, sipas nenit 414 të Kodit Penal të Republikës së Kosovës, si dhe veprës penale ‘Rastet e posaçme të falsifikimit të dokumenteve’, sipas nenit 391 të KPRK-së” – thuhet në njoftimin e Prokurorisë.

Sipas njoftimit, aksioni është ende në zhvillim e sipër, ndërsa Prokuroria Themelore në Prishtinë është duke ndërmarrë të gjitha veprimet e nevojshme ligjore në funksion të zbardhjes së plotë të rastit.