Drejtoria e Shëndetësisë në komunën e Prizrenit ka përfunduar me sukses projektin e adaptimit të hapësirave të vaksinimit në QMF-të, ku ofrohet ky shërbim.
Sipas njoftimit nga komuna e Prizrenit, këto hapësira janë më të përshtatshme për fëmijët të cilët do të vaksinohen pasi që ato janë modifikuar që të vegjëlit mos të kenë frikë gjatë këtij procesi.
Po ashtu, nga komuna është apeluar tek prindërit që t’i imunizojnë fëmijët e tyre, sipas kalendarit të përcaktuar, ngase marrja e këtyre vaksinave me kohë sipas planifikimit është thelbësore për mirëqenien shëndetësore të fëmijëve.
