Drejtoresha e Arsimit në Prizren, Luljeta Veselaj – Gutaj ka zhvilluar sot një takim pune me drejtorët e institucioneve arsimore të Komunës së Prizren, ku të pranishëm ishin edhe përfaqësues të Policia e Kosovës.
Në këtë takim u diskutua për zhvillimet aktuale në sektorin e arsimit, koordinimin e aktiviteteve si dhe planifikimin e veprimeve për periudhën e ardhshme. Vëmendje e veçantë iu kushtua sfidave dhe arritjeve të vitit shkollor 2025-2026, sigurisë në shkolla, implementimit të strategjive arsimore, buxhetit dhe obligimeve financiare, si dhe procesit të digjitalizimit të institucioneve edukativo-arsimore.
