Hiç më pak se 50 mijë euro pagë vjetore merr një ndër zyrtarët më të paguar në vend, e që është Adrian Zalli, drejtor menaxhues i Fondit të Kursimeve Pensionale të Kosovës (TRUST), raporton Gazeta Sinjali.
Në formularët e deklarimit të pasurisë të cilët u publikuan nga Agjencia Kundër Korrupsion, Zalli ka deklaruar edhe rreth 300 mijë euro para të gatshme në bankat komerciale të Kosovës dhe ato amerikane.
Pjesë e tyre janë edhe mjetet të cilat i kishte tërhequr pas vendimit për tërheqjen e 10 për qind të kursimeve pensionale në Trust, të cilat kapin vlerën e 16 mijë e 579 eurove.
