Drejtori i përgjithshëm i Doganës së Kosovës, Agron Llugaliu, vizitoi kompaninë prodhuese “Frutex” në Suharekë, ku u prit nga menaxheri i kompanisë, Shaqir Palushi.
“Frutex është një nga operatorët e parë të autorizuar nga Dogana e Kosovës, duke përfituar lehtësira të rëndësishme në aktivitetet e saj në tregtinë e jashtme. Kompania renditet ndër eksportuesit më të mëdhenj në vend, me shtrirje të gjerë në tregun evropian dhe më gjerë.
Dogana e Kosovës është krenare që përmes këtyre lehtësirave ka kontribuar në krijimin e kushteve që mbështesin suksesin dhe rritjen e kompanive prodhuese vendore në tregjet ndërkombëtare” – thuhet në njoftimin e Doganës.
Sipas njoftimit, gjatë takimit, drejtori Llugaliu njoftoi Palushin për reformat e fundit të ndërmarra nga Dogana në procedurat e zhdoganimit, të cilat synojnë lehtësimin e proceseve për komunitetin tregtar.
