Kryetari i Komisionit për Kosovë në Kuvendin e Serbisë, Millovan Drecun tha se deri në fund të muajit nuk do të ketë negociata mes Kosovës dhe Serbisë.

Ai thotë për RTS se nuk është bërë asnjë përparim që duhet të verifikohet në suaza të takimit.

“ Ndërkaq, ndërmjetësi i BE-së në dialog, Miroslav Lajçak, ka deklaruar se 99.5 për qind e tekstit të marrëveshjes është rënë dakord dhe se tani duhet vetëm vullnet politik. Lajçak duhet të thotë qartë se normalizimi i marrëdhënieve nuk nënkupton njohje reciproke”, deklaroi ai.

Drecun mes tjerash thekson se ka pasur propozim që më 14 korrik të takohen delegacionet e Beogradit dhe Prishtinës në Bruksel, ndërsa më 19 korrik presidenti Aleksandar Vuçiq dhe Albin Kurti.

“Ishte e qartë se kjo nuk mund të ndodhte, nuk u bë asnjë përparim që duhet verifikuar në atë takim.”

Ai gjithashtu shton se mandati i Miroslav Lajçakut vazhdon edhe dy vjet, se është pushim veror për njerëzit që punojnë në BE dhe se nuk duhet të presin ndonjë ngjarje para fundit të gushtit, pra fillimit të shtatorit.