Nga 1 tetori 2026 hyn në zbatim të plotë Marrëveshja e Tregtisë së Lirë ndërmjet Republikës së Kosovës dhe vendeve të EFTA-s, përkatësisht Zvicrës, Lihtenshtajnit, Islandës dhe Norvegjisë.
Dogana e Kosovës ka njoftuar operatorët ekonomikë dhe palët e tjera të interesuara për ndryshimet që sjell zbatimi i plotë i kësaj marrëveshjeje, veçanërisht sa i përket procedurave doganore dhe trajtimit preferencial të mallrave.
Sipas njoftimit, marrëveshja përcakton procedurat për dëshmitë e origjinës dhe deklarimin doganor të mallrave që plotësojnë kushtet për përfitimin e trajtimit preferencial.
