Distria Krasniqi është sportistja më e mirë e vitit 2023 në Kosovë.
Xhudistja Krasniqi vjet i fitoi gjashtë medalje në ngjarjet e mëdha të xhudos, duke përfshirë dy në kampionate evropiane. Ishte nënkampione evropiane.
Ajo u shpall më e mira e vitit sipas KOK-ut për herë të katërt. “një falënderim i veçantë për trajnerin tim që më ka udhëhequr drejt sukseseve. Ndihem me fat që e kam përkrah një trajner kaq të përkushtuar, pa të cilin këto suksese nuk do të ishin të mundura. Këtë vit i uroj suksese gjithë sportistëve olimpistë. E falënderoj edhe familjen time”, ka thënë Distria Krasniqi.
Trajneri i Kosovës në xhudo, Driton Kuka është shpallur trajneri më i mirë i vitit 2023 në Kosovë.
Kuka e mori çmimin në ceremoninë “Laureatët 2023” që është duke u mbajtur në Prishtinë.
Kuka shpallet më i miri prej se Komiteti Olimpik i Kosovës i vlerëson më të mirët. Pra ka tetë çmime rresht. Nxënësit e Kukës edhe vitin e kaluar kanë fituar medalje të shumta në ngjarjet më të mëdha.
“Po shpresoj shumë që është Kosova sivjet të kthehet me medalje olimpike. Viti 2023 më solli ndjenjë më ndryshe, Evropiani i parë në Kosovë. Ulja në karrige të trajnerit para njerëzve të dashura ishte më e veçantë. Moment i rëndësishëm”, ka thënë Kuka.