Një delegacion prej 30 personave në mesin e të cilëve kishte personalitete të artit, kulturës dhe biznesit nga pjesa veriore e Italisë, përkatësisht nga provinca e Treviso, sot ka vizituar komunën e Suharekës.

Ata fillimisht janë pritur nga kryetari i komunës, Bali Muharremaj, nënkryetarja Mihrije Suka dhe nga ekzekutivi i komunës.

Pas këtij takimi, ata kanë vizituar edhe monumentet kulturore e historike të qytetit në Muzeumin Arkeologjik.

Pjesë e delegacionit ishin edhe udhëheqësit e Shoqatës Kulturore Shqiptare “Dardania” e cila tash e disa vite vepron në Treviso.