Kryeministri i Kosovës, Avdullah Hoti, ka thënë që ministri i Shëndetësisë, Armend Zemaj, ka aplikuar në aleancën globale GAVI-COVAX për të siguruar vaksinën kundër Covid-19.
Ai po ashtu ka njoftuar se Kosovë është në listën e shteteve që 20 për qind të kësaj vaksine do ta marrin falas.
” Sot, Ministri Zemaj ka nënshkruar aplikimin zyrtar për sigurimin e vaksinës kundër COVID-19 në aleancën globale GAVI-COVAX, gjersa aplikimi për asistencë teknike lidhur me këto vaksina është bërë ditë më parë përmes Ekipit të ekspertëve”, ka shkruar Hoti në Facebook.
“Kosova është e listuar në mesin e shteteve që 20% të vaksinës kundër COVID-19 do ta marrin falas përmes aleancës globale GAVI-COVAX, derisa pjesën tjetër do ta blejë vet”.
