Ditën e djeshme dy shtetas turq u arrestuan duke transportuar cannabis sativa nga aeroporti i Rinasit në drejtim të aeroportit të Stambollit.
Këto janë momentet kur qentë antidrogë të policisë turke zbulojnë se në valixhet e dy shtetasve që vinin nga Shqipëria, fshihej ngarkesa e drogës prej rreth 31.5 kilogramë kanabis.
Hetimi i këtij rasti krahas autoriteteve turke, ka përfshirë dhe ato shqiptare. Këto të fundit nuk përjashtojnë mundësinë që trafikantët të kenë krijuar një linjë të re trafiku kanabisi nga ajri, nga aeroporti i Rinasi në atë të Stambollit.
Gjithashtu dy ditë më parë një tjetër operacion antidrogë u zhvillua mes autoriteteve turke dhe shqiptare. Krahas arrestimit në Turqi, sipas burimeve 3 shqiptarëve ju kap dhe një ngarkesë prej rreth 100 kg kanabis.Droga ishte fshehur në dy valixhe dhe u transportua në Turqi nga aeroporti i Rinasit drejt aeroportit Sabiha Gökçen të Stambollit. Droga u zbulua gjatë kontrollit me rrezes X dhe qenve nuhatës turkë, më pas kontrolli imtësisht i të gjithë pasagjerët në avion ndërsa vuri në pranga Florenc Bicerrin, punonjës i policisë rrugore Tiranë dhe Kujtim Çeliku, një tjetër shqiptar me precedent në vjedhje në Shqipëri.