Ministri i Punëve të Jashtme të Serbisë, Ivica Daçiq, tha sot se nuk do të diskutohet për zbatimin e planit franko-gjerman derisa të formohet Asociacioni i Komunave me Shumicë Serbe.
Daçiq në një intervistë për agjencinë serbe të lajmeve “Beta” tha se Serbia nuk do ta njohë kurrë Kosovën e pavarur dhe se shpreson që plani franko-gjerman të mos bëhet pjesë e Kapitulli 35 negociatat me Bashkimin Evropian (BE).
Daçiq tha se qëllimi kryesor i autoriteteve në Beograd është se “nuk ka njohje të pavarësisë së Kosovës dhe anëtarësim në Kombet e Bashkuara (OKB)”, shkruan Beta.
