Kryetari i Kuvendit të Serbisë dhe udhëheqësi i Partisë Socialiste serbe, Ivica Daçiq, tha se asnjë rezultat kapital nuk mund të pritet nga bisedimet midis delegacioneve të Kosovës dhe Serbisë sot, raporton N1.
“Problemi këtu nuk është se shqiptarët e Kosovës nuk do ta respektojnë marrëveshjen e Brukselit, por që bashkësia ndërkombëtare nuk do t’i shtrëngojë ata më shumë për ta bërë këtë”, tha Daçiq për TV Prva.
- Reklama -
Ai deklaroi se dialogu për ta ishte më korrekt me ish-presidentin e Kosovës, Hashim Thaçi.
“Ishte, ndoshta, mënyrë më korrekte të bisedohej me (Hashim) Thaçin, sepse ai kishte njëfarë vetëdije se ishte e nevojshme që të arrihej një kompromis”, tha Daçiq.
“Është më mirë të kesh disa negociata sesa të ndodhin gjëra të tilla”, tha ai.
- Reklama -