Shefi i diplomacisë serbe, Ivica Daçiq ka deklaruar se ekstradimi i ish-nënkryetarit të Listës Serbe, Milan Radoiçiqit në Kosovë, është i pamundur.
Daçiq theksoi për agjencinë serbe të lajmeve “Beta” se presidenti i Serbisë, Aleksandar Vuçiq, tashmë ka konfirmuar se hetimet ndaj Radoiçiqit janë duke vazhduar dhe se procedurat do të zhvillohen ekskluzivisht në gjykatat vendase.
“Presidenti Vuçiq tha se hetimet kundër Radoiçiqit janë duke vazhduar dhe të gjitha gjykimet do të zhvillohen para gjykatave vendore”, deklaroi ai.
Milan Radoiçiq akuzohet për organizimin e sulmit terrorist në Banjskë të Zveçanit ku u vra polici Afrim Bunjaku.
Ditë më parë u konfirmua se për të është lëshuar fletëarrest ndërkombëtar.
Klikoni KËTU për tu bërë pjesë e kanalit të TV Prizreni në Youtube.
