Një vaksinë e re e koronavirusit është treguar të jetë 89.3 përqind efektive në provat në shkallë të gjerë në Mbretërinë e Bashkuar.
Novavax është e para efektive kundër variantit të ri të virusit të zbuluar në Mbretërinë e bashkuar, tha redaktori i BBC-së, Fergus Walsh.
Kryeministri i atjeshëm mirëpriti “lajmin e mirë” dhe tha se rregullatori I ilaçeve në Mbretërinë e Bashkuar tani do të vlerësojë vaksinën në fjalë. Ky vend ka siguruar 60 milionë doza të injeksionit, të cilat do të bëhen në qytetin Stocko-on-Tees.
Qeveria atje deklaroi se dozat priten të dorëzohen në gjysmën e dytë të këtij viti, nëse miratohen për përdorim nga Agjencia Rregullative e Barnave dhe Produkteve Shëndetësore.
Britania e Madhe ka miratuar deri më tani tre vaksina të koronavirusit për përdorim urgjent – një nga Universiteti i Oksfordit dhe AstraZeneca, një tjetër nga Pfizer dhe BioNTech, dhe një e tretë nga kompania e barnave Moderna.