Agjencia e Statistikave të Kosovës (ASK) ka publikuar Indeksin e Harmonizuar të Çmimeve të Konsumit (IHÇK) për muajin Dhjetor 2025, me vit bazë 2015=100.
Sipas të dhënave të ASK-së, çmimet e konsumit u rritën 5,3% në krahasim me dhjetorin e 2024-s.
Inflacioni mujor në dhjetor 2025 ishte 0,7%. Norma mesatare vjetore e inflacionit për vitin 2025 arriti në 3,9%.
Rritjet më të mëdha të çmimeve u regjistruan në disa kategori: Kafe, çaj dhe kakao: +15,2%, Shërbime për pajisjet personale të transportit: +11,6%, Pemë: +11,5%, Energji elektrike: +11,4%, Mish: +11%, Vajra dhe yndyra: +8,4%, Qumësht, djathë dhe vezë: +7,2%, Shërbime hoteliere: +7%, Perime: +5,9%, Pije alkoolike: +5,3%.
Ndërkohë, rënie e çmimeve u vërejt vetëm te karburantet dhe lubrifikantët për pajisjet e transportit personal, me -4,6%, që ndikoi minimalisht (-0,3%) në Indeksin e harmonizuar i çmimeve të konsumit (IHÇK).