Bajrami në arabisht do të thotë “festë” ose “festival”. Bajrami është një festë, e cila festohet nga myslimanët. Kurban Bajrami, i njohur gjithashtu si Festa e Flijimit, zhvillohet në muajin e 12-të të kalendarit hënor Islam.
Kurban Bajrami shënon ditën e fundit të pelegrinazhit të shenjtë mysliman vjetor të quajtur Haxh, ku miliona myslimanë drejtohen në vendin e shenjtë të Mekës.
Cila është historia prapa Kurban Bajramit?
Kremtimi shënon sprovën me të cilën u përball Profeti Abraham kur iu tha të flijonte djalin e tij, Ismailin. Është e ngjashme me historitë e besimit krishter dhe hebraik, të cilat besojnë se Abrahami ishte ngarkuar të sakrifikonte djalin e tij tjetër, Isakun. Urdhri u dërgua për të provuar bindjen dhe nënshtrimin e tij ndaj vullnetit të Zotit.
Sipas mësimit islam, Zoti e zëvendësoi Ismailin me një dele para se të ndodhte ngjarja. Për të përkujtuar këtë ndërhyrje, myslimanët do të thernin dele dhe bagëti të tjera të cilat do të ndaheshin midis familjes, miqve dhe atyre më kushte më të vështira.