Pavarësisht që ishin të izoluar në karantinë për shkak te infektimit me COVID-19, një çift kosovar nga Linzi i Austrisë bashkë me djalin e tyre kanë udhëtuar për pushime në Kosovë.
Të martën, “shkelësit e rregullave të karantinës” në Linz u dënuan me tre muaj burg me kusht.
Testet pozitive të dëshmuara me virusin korona dhe njoftimi se ata duhet të rrinë të izoluar në karantinë, nuk e kanë penguar një çift nga Linzi të udhëtojë gjatë muajt gusht të vitit 2021 për në Kosovë. Bashkë me ta ishte edhe djali i tyre i infektuar po ashtu me COVID-19, shkruan albinfo.
Në Kosovë, bashkëshorti 45-vjeçar madje është dashur të trajtohet në një klinikë private për një javë për shkak të sëmundjes, raporton krone.at. Së bashku me gruan e tij 42-vjeçare, ai tash pas pesë muajsh u desh të dalë para gjyqit në Linz, për akuzën mbi dyshimin për rrezikimin e qëllimshëm të njerëzve me një sëmundje ngjitëse.
/GazetaSinjali/
Klikoni KËTU për tu bërë pjesë e kanalit të TV Prizreni në Youtube.
