Situata me furnizimin me energji elektrike në vend aktualisht është stabile.
Kështu shprehet, zëdhënësi i KEDS, Viktor Buzhala, i cili ka thënë se ka më tepër qe një javë që qytetarët janë duke u furnizuar pa ndërprerë me rrymë.
“Megjithatë situata është fragjile. Jemi në gjendje emergjente të shpallur nga Qeveria e Kosovës. Ka shumë faktorë që tash për tash janë në favorin tonë, përfshirë kohën, që ka rënë konsumi dhe çmimi i energjisë në berzat ndërkombëtare. Kjo po na e mundëson që të kemi furnizim stabil me energji”, është shprehur Buzhala në emisionin Portofol në Klan Kosova FM.
