Vullnet Bugaqku, hulumtues në Institutin Demokratik të Kosovës thërret qeverinë që ta tërheqë Projektligjin për Byronë e Konfiskimit të Pasurisë së Pajustifikueshme, i cili u miratua në lexim të parë gjatë së enjtes.
Ai ka thënë se me përmbajtjen e tanishme, ky projektligj ka të meta të mëdha.
“Projektligji duhet të ridraftohet në tërësi, sipas rekomandimeve të Komisionit të Venecias. Ka probleme të mëdha, duke mos ofruar garanci të mbrojtjes së lirive dhe të drejtave të njeriut, mandatit të byrosë, kompetencat e drejtorit, barrën e pronës…”, është shprehur Bugaqku në emisionin Portofol në Klan Kosova FM.
