Përfaqësuesi i Lartë i Bashkimit Evropian, Josep Borrell, e ka cilësuar të mirë takimin me kryeministrin Albin Kurti në Forumin e Paqes në Paris, duke shtuar se duhet një përparim urgjent sa i përket dialogut mes Kosovës dhe Serbisë.
Përmes një postimi në Twitter, Borrell ka shkruar se u takuan në margjinat e Forumit për të diskutuar bashkëpunimin rajonal, luftën kundër korrupsionit dhe nevojë për përparim urgjent sa i përket dialogut.
“Ngritëm diskutimet për integrimet evropiane, diskutuam për takimin e radhës të Këshillit për Punë të Jashtme për Ballkanin Perëndimor dhe angazhimin e rëndësishëm bilateral”.
Dialogu mes Kosovës dhe Serbisë do të vazhdojë në nivel teknik më 16 nëntor.