Shefi i Politikës së Jashtme të Bashkimit Evropian, Josep Borrell, në një konferencë për media ka bërë të ditur se i ka informuar ministrat e jashtëm të BE-së për dialogun Kosovë-Serbi.

Ai ka thënë se është bashkëpunim i mirë mes BE-së dhe SHBA për dialogun.

“Duhet të them se është një bashkëpunim i mirë mes BE-së dhe SHBA-së dhe nuk është garë mes dyjave vende se kush do ta lehtësojë dialogun. Ne jemi në një bashkëpunim të fuqishëm dhe kjo do të ndihmojë”, ka thënë ai.

Sipas tij do të ketë edhe një takim tjetër gjatë verës.

Takimi i fundit mes kryeministrit të Kosovës, Albin Kurti dhe presidentit të Serbisë, Aleksandar Vuçiq është mbajtur më 15 qershor në Bruksel.

Nga ajo që është thënë nga të dyja palët, është bërë e ditur se në takim ka pasur tensione e ofendime dhe se palët nuk janë pajtuar për asgjë. Takimi do të mbahet më 25 korrik.